login
大家知唔知，梨花女子大學（이화여자대학교）
係韓國最出色嘅女子大學？
無論係學術排名定係校園環境，梨花一直都係一個超受歡迎嘅選擇。
特別係對於留學生嚟講✨，梨花提供咗好多獨特嘅支持同福利，
令每一個選擇嚟呢度嘅人每一日都感受到被照顧同成長嘅喜悅，
同可以享受到與眾不同嘅留學體驗！?
梨花留學生福利
講真，梨花對留學生真係好貼心?！
唔單止有外國人專屬獎學金俾我哋申請，仲有TOPIK考試嘅報名費支援。
除此之外，學校仲會安排好多文化體驗活動，等留學生可以喺學習之餘更加了解韓國嘅文化。
我真係好感激可以有機會喺呢度學到咁多同見識咁多嘢，
覺得梨花係一個成長同發展嘅好地方！?
[I&EWHA] 內容創作比賽得獎啦！
我喺影片入面分享咗自己喺梨花嘅留學生活，
仲有學校提供俾留學生嘅特別體驗，同埋我最深刻嘅成長故事。
可能因為呢啲內容真係可以打動大家，
所以最後攞到獎仲有一筆獎金，真係超級感恩呀！?
等我係下一條My Story度同大家分享一下條片嘅內容
其實啫喺《我係梨大嘅留學生活VLOG》?
梨花國際學生團隊Instagram新帳號！
另外，有一個新鮮熱辣嘅消息要同大家講！
最近梨花國際學生團隊（ISAT）啱啱開咗一個Instagram帳號，@ewha_isat ?！
呢個帳號內容真係超有用，特別係留學生同埋有興趣嚟梨花讀書嘅同學！
分享嘅資訊包括：
外國人特別選拔入學資訊 : 讓世界各地嘅學生都有機會嚟梨花讀書
留學生專屬嘅獎學金介紹 : 為大家減輕經濟壓力
TOPIK考試費用支援 : 鼓勵留學生提升韓語能力
梨花前輩嘅訪談故事
文化體驗活動 : 等留學生可以了解韓國嘅文化。
唔單止係我哋呢啲已經喺梨花嘅留學生，對於未嚟嘅同學亦都係超級實用嘅資訊。
我平時都會留意呢個帳號更新，幫到我好多呀！
希望更多人可以知道呢個好有用嘅平台！
喺梨花讀書，唔係淨係學術上嘅收穫，仲有文化、友情、挑戰同成長。
呢個地方真係充滿可能性同回憶。
如果你都對梨花有興趣，記得Follow @ewha_isat了解多啲資訊啦！
希望喺梨花見到你呀～！?
