Гадаадад суралцах боломж хүн бүрт хялбар бүрдээд байдаггүй талаар ойлголт олон байдаг. Үүний гол шалтгаан мэдээж хангамж боломж муутай нийгэм юм. Уг нийгмээс ангид байхыг эрхэмлэх үед хаашаа ч хамаагүй явах хүсэл төрдөг бөгөөд өөрийн гэсэн амьдрал, адал явдал, мэдлэг чадамж, өөрийн хувийн орон зайг бүрдүүлэх гэх мэт зүйлс бидний урагшлах эрмэлзлийг өдөөж өгдөг. Хэзээ ч өнөөдрийн өөрийн амьдралыг төсөөлж тэр тусмаа зүүдэлж ч байгаагүй би яаж энэ хүртэл явж чадсан нь сонирхолтой юм.  Өмнөд Солонгос улсад суралцаж буй оюутан маш олон бий. Монгол орноос ирсэн оюутны тоо жил бүр ихэссээр л байдаг. Оюутан амьдрахад хамгийн боломжтой орон гэж тооцогддогт учир байгаа юм.